求職須知

1：搵工所需時間比你想像中長
搵工由開始到接受offer平均至少要兩個月，所以未搵到唔使灰，繼續努力啦。

2：而家無offer唔代表以後無機會
54%僱主會重新考慮曾經落選嘅應徵者。就算落選，不妨繼續留意公司網站嘅招聘消息，或訂閱求職網站嘅「好工提示」功能。

3：淨係CV唔夠㗎
53%僱主認為一份CV唔能夠提供足夠資訊去評核求職者嘅能力。如果你淨係send CV，好大機會被淘汰。最好有埋求職信、portfolio、獎項證書等恩物 。

4：僱主嘅要求可能殺你一個措手不及
僱主除咗想知你工作經歷、同職責相關嘅技能之外，63%表示會關注應徵者有無soft skills。soft skills係咩？之唔係積極嘅工作態度、團隊精神、溝通技巧、應變能力嗰啲囉。記住面試要盡量sell自己呢啲優點呀。

5：勞動市場競爭激烈
調查發現求職者每星期平均花11個鐘搵工。你又用咗幾多時間？

6：職業與學系未必相符
36%打工仔現職與所讀學系完全無關。求職者搵工應該抱住開放態度，始終僱主睇重嘅係工作相關技能、soft skills、個人性格特質等。所以呢，你其實比你想像中有更多職業選擇。

7：如果適合，僱主唔介意調高人工
勞動市場競爭激烈，66%僱主願意出更高人工羅致合適人才。換言之，若求職者處於一個有利嘅談判位置，可以睇定啲先決定要唔要個offer 。